ယခုဘ၀ ရောက်မလာခင်က
ဘ၀ ဘယ်မှာ အနေကြာခဲ့ပါ့
ဂင်္ဂါ ၀ါဠု သဲစုမက
ဘုရားတွေ ပွင့်လိုက်ကြတာ
ဘယ် သာသနာကိုမှ
မကြုံလိုက်ကြပါကလား။
ယခုလောက် ကြာအောင်
မကျွတ်ဘဲ နေလာကြတာ
သာသနာနှင့် လွဲလို့ပေါ့၊
ဘုရား အဆူဆူ
ပွင့်တော်မူပါလျက်
လူမဖြစ် နတ်မဖြစ်
အောက်ထစ်ဆုံးဘ၀
ငရဲက ပြန်မတက်လို့လား၊
အ၀ိဇ္ဇာ ကွင်းဆက်
မပျက် မပြတ်ဘဲ
တ၀ဲလည်လည်
အပါယ်ဘုံမှာ
စုန်ဆန်ကာသာ
အနေကြာခဲ့တာလား။
ခုတစ်ခါကျမှ
လူ့ရွာ လူ့ဘ၀
သုံးသပ်ဆုံးဖြတ်
နှလုံးကပ်ပြီး
စဉ်းစားတတ်လို့
ကိုယ့်ဘ၀ဖြစ်အင်
ကိုယ့်အကြောင်းကိုမြင်တော့
သွင်သွင်စီးကျ
မျက်ဝန်းအစုံမှာ
မျက်ရည်စတွေနှင့်ပါကလား။
မိုက်မှားခဲ့လေသမျှ
အသည်းက နာကျင်
ဘယ်လိုပင် ဖြေဖျောက်သော်လည်း
မျက်ရည်စ မခြောက်ပါဘူး၊
ကြောက်စရာ့ သံသရာမှာ
ဝဋ်ဒုက္ခ ရှည်ခဲ့ပါပြီ။
ယခု ဘ၀ ဘ၀ အရှိ
သိဖို့တော့ သင့်ပြီထင်
တွေးချင့်စရာ
လူမို့သာ စဉ်းစားနိုင်တာနော်။
0 comments:
Post a Comment