April 2014 ~ တအာင်းပြည်

Friday, April 18, 2014

KIA မှ နမ္မတူ - မန်တုံကားလမ်းတွင် ကားသမားထံဆပ်ကြေးကောက်

8:03 PM No comments

၂၀၁၄-ခုနှစ်၊ ဧပရယ်လ ၅ ရက်နေ့ နံနက် ၉ နာရီမှ စပြီး နမ္မတူမြို့နယ် ဆိုင်းကောင်းကျေးရွာတွင် နမ္မတူ-မန်တုံ သွားလာသော ကားသမားများထံ ဆပ်ကြေးကောက်ခံနေသည်ဟု သတင်းရရှိပါသည်။

KIA တပ်ရင်း ၃၄ လက်အောက်ခံ နမ္မတူမြို့နယ် ဟိုဆာတိုက်နယ်မှူးမှ ဦးဆောင်ပြီး ဗင်းကား(လိုင်းကား) တစ်စီးကို ၁ သိန်းခွဲ၊ ကုန်ကား (ကားကြီး) တစ်စီးကို ၁၀ သိန်းဖြင့် ကောက်ခံနေကြောင်း၊ ယနေ့တစ်ရက်တည်းပင် ဗင်းကားအစီးပေါင်း ၃၀၊ ကုန်ကား အစီးပေါင်း ၁၇ စီးကောက်ခံပြီဖြစ်ကြောင်း သိရပါသည်။

ကောက်ခံရရှိသော ဆပ်ကြေးငွေကို ဗင်းကားတစ်စီး ၁ သိန်းခွဲထဲမှ KIA ဗဟိုဌာနချုပ်သို့ ၁ သိန်း ၅ သောင်းကို တိုက်နယ်မှူးအတွက်သော်လည်းကောင်း ကုန်ကားတစ်စီး ၁၀ သိန်းထဲမှ ၈ သိန်းကို ဗဟိုဌာနချုပ်သို့သွင်းပြီး ၂ သိန်းကို တိုက်နယ်မှူးအတွက်သော်လည်းကောင်း တိုက်နယ်မှူးကိုယ်တိုင်ရှင်းလင်း ကောက်ခံခဲ့သည်။

ဗင်းကားသမားတစ်ဦးက “လိုင်းကားမောင်းတာ တခေါက်မှ ၅ သောင်းလောက်ဘဲကျန်တယ်၊ တစ်စီးကို ၁ သိန်းခွဲကောက် တော့ အခက်အခဲတကယ်ရှိတယ်၊ ဟင်းဖိုး၊ ဆေးလိပ်ဖိုးအတွက် တစ်စီးကို ၁ သောင်းနှစ်သောင်းလောက်ဆိုရင် တော်သေးတယ်၊ အခုဟာက များလွန်တယ်၊ ကုန်ကားသမားဆို ပိုဆိုးပေါ့” ဟု တအာင်းမြေသတင်းဌာနကို ပြောပြပါသည်။

နမ္မတူ-မန်ုတုံသွားသည့် ကားသမားများသည် မန်တုံမှ ထွက်ရှိသောလက်ဖက်နှင့် ခရီးသည်များကို တင်ဆောင်ပြီး လားရှိး၊ နမ္မတူမှ စားသောက်ပစ္စည်းများ တင်ဆောင်ပြေးဆွဲနေကြောင်း ဖြစ်သည်။

အစိုးရတပ်နှင့် TNLAတပ်ရင်းတို့ ကွတ်ခိုင်ဒေသတိုက်ပွဲဖြစ်

1:47 AM No comments

နှစ် (၅၀) ပြည့် တအာင်းတော်လှန်ရေးနေ့ပုံ

ကွတ်ခိုင်မြို့နယ် မန်နိမ်အုပ်စု သာပန်းကုန်းရွာအနီးတွင် အစိုးရတပ်နှင့် TNLA (၁၀၁)တပ်ရင်းတို့မှ တိုက်ခိုက်ခဲ့ခြင်းဖြစ်သည်။

“တိုက်ပွဲက မနက် ၃ နာရီကနေ ၃ ခွဲအထိတစ်ကြိမ်၊ဒီနေ့လည် ၁၀-နာရီ ၂၀မိနစ်ကနေ ၁၁-နာရီအထိ တစ်ကြိမ် ၂ကြိမ်တိတိဖြစ်တယ်၊ ကျတော်တို့ဘက်တော့ အထိအခိုက် မရှိပါဘူး အစိုးတပ်ဘက်မှအထိအခိုက်မသိရှိရသေးပေ’’ဟု TNLA (၁၀၁)တ...ပ်ရင်းရင်းမှူးမှ အတည်ပြုပြောဆို။

တိုက်ပွဲတွင်ပါဝင်ခဲ့သော အစိုးရတပ်မှာ အင်အား ၄၀ ကျော်ရှိ ခလရ (၄၅)တပ်ရင်းနှင့် ၀ါယော့ပြည့်သူ့စစ်ခန်းမှ အင်အား(၆၀)ကျော်ရှိ ပန်ဆေးပြည့်သူ့စစ်လက်အောက်ခံ ၀ါယော့ပြည့်သူ့စစ်များဖြစ်သည်။
၎င်းနယ်မြေသည် TNLAမှ ပုံမှန် လုံခြုံရေးကင်းလှည့်သည့် နယ်မြေဖြစ်ပြီး ပန်ဆေးပြည့်သူ့စစ်မှလည်း စိုးမိုးထားသည့် ဘိန်းစိုက်ပျိုးနယ်မြေဖြစ်သည်။

ငြိမ်းချမ်းရေးလုပ်ငန်းစဉ်တွင် လူထုပါဝင်မှု များစွာလိုအပ် အစိုးရမှ ပိတ်ပင်မှုများရှိဟု အရပ်ဘက်အဖွဲ့အစည်းများ ပြော

8:55 PM No comments

ငြိမ်းချမ်းရေးလုပ်ငန်းစဉ်များတွင် လူထုပါဝင်မှု များစွာလိုအပ်နေသော်လည်း အစိုးရမှ ပိတ်ပင်ဟန့်တားမှု များရှိနေသည်ဟု အရပ်ဘက်အဖွဲ့အစည်းလေးဖွဲ့က ဧပြီလ ၁ ရက်တွင် မင်္ဂလာတောင်ညွန့်မြို့နယ် ဂျာ နယ်လစ်ဇင်စကူးတွင် ပြုလုပ်သော “ငြိမ်းချမ်းရေးလုပ်ငန်းစဉ်တွင် လူထုပါဝင်ရေးဆွေးနွေးပွဲ” တွင် ပြောခဲ့ ကြသည်။

ထိုဆွေးနွေးပွဲသို့ တအာင်းကျောင်းသားလူငယ်များအဖွဲ့၊ တအာင်းအမျိုးသမီးအဖွဲ့၊ ကယားပြည်နယ် ငြိမ်း ချမ်းရေး စောင့်ကြည့်လေ့လာရေးကွန်ရက်၊ ရန်ကုန်-လိုင်ဇာ ငြိမ်းချမ်းရေးလမ်းလျှောက်အဖွဲ့တို့မှ ပါဝင် ဆွေးနွေးခဲ့ကြသည်။

လိုင်ဇာငြိမ်းချမ်းရေးလမ်းလျှောက်အဖွဲ့မှ ကိုရန်နိုင်ထွန်းက “နှစ် ၆၀ ကျော်ကြာ ဖြစ်နေတဲ့ စစ်ပွဲတွေမှာ အပစ်အခတ်ရပ်စဲရေးတွေ လုပ်နေပေမယ့်လည်း ပြည်သူတွေ မပါဝင်တဲ့အတွက် အခုထိ ထိထိရောက် ရောက်ဖြစ်နေတာ တစ်ခုမှမရှိဘူး။ လက်ရှိပြဿနာက ပြည်သူက ပါဝင်ချင်တယ်။ ဒါပေမဲ့ အစိုးရက အဟန့်အတားတွေ လုပ်ထားတယ်။ ဆိုလိုတာက ကျွန်တော်တို့ ငြိမ်းချမ်းရေးအတွက် ရန်ကုန်ကနေ လိုင်ဇာအထိ လမ်းလျှောက်ဆန္ဒ ထုတ်ဖော်တယ်။ နောက်ဆုံးရလဒ်က ငြိမ်းချမ်းရေးမှာတော့ ဘာမှမထူးခြားလာ ဘူး”ဟု ပြောသည်။

ငြိမ်းချမ်းရေးလုပ်ငန်းများတွင် ပြည်သူများ ပါဝင်ရန် အရပ်ဘက်အဖွဲ့အစည်းများနှင့် ငြိမ်းချမ်းရေးလုပ်ငန်း စဉ်တွင် ကိုယ်တိုင်ပါဝင်နေသော အဖွဲ့အစည်းများမှ လှုံ့ဆော်ဆွေးနွေးမှုများပြုလုပ်ရန် လိုအပ်နေပြီး ပြည် သူအားလုံး၏သဘောထားနှင့် ဆွေးနွေးတင်ပြချက်များကို နိုင်ငံတော်အဆင့်ထိ ထိရောက်သော ငြိမ်းချမ်း ရေးဆိုင်ရာအဖွဲ့တစ်ဖွဲ့ ထားရှိရမည်ဖြစ်ကြောင်း၊ သို့မှသာ ပြည်သူတစ်ရပ်လုံးပါဝင်သည့် အောင်မြင်သော ငြိမ်းချမ်းရေး ရရှိမည်ဖြစ်သည်ဟု တအာင်းကျောင်းသားလူငယ်များအဖွဲ့မှ ကိုမိုင်မျိုးအောင်က ပြော သည်။

ငြိမ်းချမ်းရေးလုပ်ငန်းစဉ်တွင် လူထုပါဝင်မှုသည် အသင်းအဖွဲ့မျှသာ ရှိနေသောကြောင့် ငြိမ်းချမ်းရေးတွင် လူထုပါဝင်ရန် အစိုးရမှ အများကြီး လမ်းဖွင့်ပေးရန်လိုသည်ဟုလည်း ကယားပြည်နယ် ငြိမ်းချမ်းရေးစောင့် ကြည့်လေ့လာရေးကွန်ရက်က ဆိုသည်။

နိုင်ငံတော်ပြုပြင်ပြောင်းလဲရေးများနှင့် ငြိမ်းချမ်းရေးဆွေးနွေးပွဲများတွင် မြန်မာနိုင်ငံ အခြေခံလူတန်းစားများ၏ ပါဝင်မှုအခန်းကဏ္ဍတစ်ရပ်ရှိရမည်ဟု အင်္ဂလန်နိုင်ငံအခြေစိုက် ကမ္ဘာ့ရပ်မိရပ်ဖများအဖွဲ့(The Elders) က မတ်လ ၂၄ မှ ၂၈ ရက်ထိ မြန်မာနိုင်ငံနှင့် ထိုင်းနိုင်ငံ နယ်စပ် ခရီးစဉ်အတွင်း ကြေညာချက်တစ်စောင် ထုတ်ပြန်ခဲ့သေးသည်။

အဆိုပါကြေညာချက်တွင် ဆယ်စုနှစ်ပေါင်းများစွာရှိနေသည့် အချင်းချင်း ယုံကြည်မှုကင်းမဲ့ခြင်းအား ကျော် လွှားရန်နှင့် မြန်မာနိုင်ငံ လူဦးရေ အတွင်းရှိ ကွဲပြားမှု အမျိုးမျိုးနှင့် ပင်ကိုစွမ်းရည်များအား ထင်ဟပ်စေရန်၊ မြန်မာအစိုးရအနေဖြင့် လူအများ ပူးပေါင်းပါဝင်မှု ပိုမိုကြီးမားလာစေရေး ကြိုးပမ်းအားထုတ်ရန် စသည်ဖြင့် တိုက်တွန်းထားသည်။

ပြည်တွင်းစစ်များ မကြာမီနိဂုံးချုပ်မည်ဟု သမ္မတဦးသိန်းစိန် အခိုင်အမာယုံကြည်

8:37 PM No comments

မတ်လ(၂၆)ရက်နေ့၌ သမ္မတဦးသိန်းစိန်၏ တာဝန်ထမ်းဆောင်မှု သုံးနှစ်ပြည့်အထိမ်းအမှတ်အဖြစ် ပြည်ထောင်စုလွှတ်တော်၌ ပြောကြားခဲ့သည့် သမ္မတမိန့်ခွန်း၌ ပြည်တွင်းစစ်များနိဂုံးချုပ်တော့မည်ဟု အခိုင်အမာယုံကြည်ကြောင်း ထည့်သွင်းပြောကြား လိုက်သည်။

“ငြိမ်းချမ်းရေးလုပ်ငန်းစဉ် ကြန့်ကြာတာနဲ့ အမျှ သက်ဆိုင်တဲ့ တိုင်းရင်းသား တွေရဲ့ အနာဂတ်ဟာ မျှော်လင့်ချက် မဲ့သွား နိုင်တာကို ကျွန်တော်တို့ အထူးဂရုပြုကြဖို့ လိုပါတယ်။ နှစ်ပေါင်း (၆ဝ) ကျော်ကြာခဲ့တဲ့ ပြည်တွင်းစစ်မီးလျှံတွေကို မကြာမီ ကာလမှာ နိဂုံးချုပ်နိုင်လိမ့်မယ်လို့ အခိုင်အမာယုံကြည်ထားပါတယ်။”ဟု သမ္မတဦးသိန်းစိန်က ၎င်း၏မိန့်ခွန်း၌ ထည့်သွင်းပြောကြားခဲ့ခြင်းဖြစ်သည်။

အဆိုပါမိန့်ခွန်းတွင်လည်း “အရေးကြီးဆုံးဖြစ်တဲ့ ပြည်တွင်းငြိမ်းချမ်းရေး” ဟု သုံးစွဲခဲ့ပြီး ငြိမ်းချမ်းရေး ရရှိနိုင်ရန် ဖွဲ့စည်းပုံ အခြေခံဥပဒေ၌ ခွဲဝေအပ်နှင်းထားသည့် ဥပဒေပြုစာရင်းများ မဖြစ်မနေပြင်ဆင်ရွှေ့ပြောင်းပေးရမည် ဖြစ်ပြီး တိုင်းရင်းသား အခွင့်အရေး၊ ပြည်နယ်အခွင့်အရေးတိုးမြင့်လာစေရန်လည်း စီမံပေးကြရမည်ဟု ပြောကြားခဲ့သည်။
တစ်နိုင်ငံလုံးအပစ်အခတ်ရပ်စဲရေးမူကြမ်းရေးဆွဲနိုင်ရေးအတွက် လာမည့်ဆွေးနွေးပွဲတွင် အစိုးရနှင့် တိုင်းရင်းသား လက်နက်ကိုင် အဖွဲ့များကို ကိုယ်စားပြုဖွဲ့စည်းထားသည့် NCCT အဖွဲ့ ဆွေးနွေးရာတွင် တပ်နေရာချထားရေး အတွက် အခက်အခဲရှိနိုင်မည်ဟု တိုင်းရင်းသားခေါင်းဆောင်အချို့က ဆိုသည်။

“အနာဂတ်အရေးမှာ စီမံခန့်ခွဲတဲ့နေရာမှာ အဓိကကတော့ အန်ကယ်တို့ တောင်းဆိုနေတဲ့ ဖယ်ဒရယ် ပြည်ထောင်စုကို ဘယ်လိုအသွင်ဖော်ဆောင်မလဲ၊ ၂၀၀၈ ဖွဲ့စည်းပုံကို ဘယ်လိုဖြတ်ကျော်မလဲ၊ နောက် အနာဂတ်မှာ တပ်တွေကို ဘယ်လို နေရာချထားမလဲဆိုတဲ့ကိစ္စတွေကတော့ နည်းနည်းပြသနာရှိနိုင်တဲ့ ကိစ္စတွေပဲ” ဟု NCCT ခေါင်းဆောင် နိုင်ဟံသာကလည်း မတ်လဆန်းပိုင်းက မီဒီယာများသို့ ပြောကြားထားသည်။
သမ္မတဦးသိန်းစိန်မှလည်း ယခုအချိန်သည် နိုင်ငံ၏သမိုင်းစဉ်၌ အကောင်းဆုံးနှင့် အရေးကြီးဆုံးအချိန်သို့ ရောက်ရှိနေပြီ ဖြစ်ကြောင်း မိန့်ခွန်းတွင်ထည့်သွင်းပြောကြားခဲ့သေးသည်။

“ကျွန်တော်တို့ နိုင်ငံ့ရဲ့သမိုင်းစဉ်မှာ အကောင်းဆုံးနဲ့ အရေးကြီးဆုံး အချိန်အခါကို ရောက်ရှိ နေပြီဖြစ်တဲ့ အတွက် ဒါကို ကျွန်တော်တို့ တန်ဖိုးထားကြရပါမယ်။ ကျွန်တော်တို့ စည်းလုံး ညီညွတ်စွာနဲ့ နိုင်ငံတော်ကို တည်ဆောက်ကြရမယ့် အချိန် အခါကောင်းပဲ ဖြစ်ပါတယ်။ အချုပ်အခြာ အာဏာရဲ့ မဏ္ဍိုင်ကြီးသုံးရပ်တို့အနေနဲ့ ဆောင်ရွက်ခဲ့မှုများအပေါ် ပကတိအတိုင်း ပြန်လည် ဆင်ခြင်သုံးသပ်ပြီး သင်ခန်းစာယူကြရပါမယ်။” ဟု သမ္မတကြီးက ပြောသည်။

လက်ရှိအချိန်၌ အစိုးရနှင့် အပစ်အခတ်ရပ်စဲရေးသဘောတူညီမှုရရှိထားသည့် လက်နက်ကိုင်အဖွဲ့မှာ(၁၄)ဖွဲ့ ရှိနေပြီး KIA,TNLA တို့မှာ အစိုးရတပ်မတော်နှင့် မကြာခဏ တိုက်ပွဲများဖြစ်ပွားနေသည်။