စစ်ရေးတင်းမာတဲ့အတွက် ရွာသား ၃ဝဝ ကျော် သီပေါကိုထွက်ပြေးလာ
ရှမ်းပြည်နယ်မြောက်ပိုင်း သီပေါမြို့နယ် မန်လွယ်ကျေးရွာအနီးတ၀ိုက်မှာ တအာင်းတပ်မတော် TNLA နဲ့ ရှမ်းပြည်ပြန်လည်ထူထောင်ရေးကောင်စီ RCSS/SSA တို့ စစ်ရေးတင်းမာနေတာကြောင့် မန်လွယ် ရွာသား ၃၀၀ ကျော်ဟာ ပြီးခဲ့တဲ့ ဇူလိုင်လ ၈ရက်နေ့ကစပြီး သီပေါမြို့ ရတနာရွှေဂူ ဘုန်းတော်ကြီးကျောင်းမှာ ခိုလှုံနေကြပါတယ်။
မန်လွယ်ကျေးရွာက ရွာလုံးကျွတ် ထွက်ပြေးလာကြတာဖြစ်ပြီး ဒုက္ခသည်တွေအတွက် စားနပ် ရိက္ခာတွေ လိုအပ်နေတယ်လို့ ဒုက္ခသည်တွေကို အကူအညီပေးနေ တဲ့ ပြည်သူ့လွှတ်တော် ကိုယ်စားလှယ် ဒေါ်နန်းမိုး က ပြောပါတယ်။
"အခုဟာ အလှူရှင်လည်း မရှိဘူးလေ၊ အမတို့ မနေ့ကသွားတော့ လူအယောက်ပေါင်း ၃ဝဝ ကျော် စားဖို့ က နှစ်သောင်းပဲ ရှိတော့တယ်ပေါ့နော်၊ သူတို့အဓိက လိုအပ်တာကတော့ ကျန်တာထက် စားဖို့သောက်ဖို့က အရမ်းခက်ခဲနေတယ်၊ ထမင်းသုံးနပ် နပ်မှန်အောင်စားဖို့ အရမ်းကိုလိုအပ်နေတယ်"
မန်လွယ်ရွာသူ ရွာသားတွေဟာ
ပြီးခဲ့တဲ့မေလကလည်း RCSS/SSA နဲ့ TNLA တို့တိုက်ပွဲတွေကြောင့်
ထွက်ပြေးလာကြပြီး သီပေါမြို့ ဘော်ကြိုဘုရား ကြီးကျောင်းတိုက်မှာ
တစ်လနီးပါးကြာ ခိုလှုံခဲ့ကြ တာဖြစ်ပါတယ်။
နယ်မြေတည်ငြိမ်မှုရှိနေပြီဆိုတာကြောင့် နေရပ်ပြန်သွားတာ တစ်လအကြာမှာ
အခုလိုဒုတိယအကြိမ် ထွက်ပြေးလာရတာဖြစ်တယ်လို့ ဒေါ်နန်းမိုးက ပြောပါတယ်။
ဒုက္ခသည်တွေရဲ့ ပြောပြချက်အရ TNLA နဲ့
RCSS/SSA တပ်တွေဟာ မန်လွယ်ရွာတ၀ိုက်မှာ ပစ်ခတ်မှုတွေ ရှိနေသလို
နှစ်ဖက်တပ်တွေကို ဒေသခံတွေက ရိက္ခာထောက်ပံ့ပေးနေရတယ်လို့ သိရကြောင်း
ဒေါ်နန်းမိုး က ပြောပါတယ်။ ဒုက္ခသည် ၃၀၀ ကျော်ထဲမှာ မွေးကင်းစကလေးအပါအ၀င်
ကလေးငယ် တစ်ရာကျော်ပါဝင်ပြီး ကျန်းမာရေးဦးစီးဌာနက
ကျန်းမာရေးစောင့်ရှောက်မှုတွေ ပေးနေပါတယ်။
ရှမ်းပြည်နယ်အစိုးရအဖွဲ့က သီပေါမြို့နယ်က
စစ်ဘေးဒုက္ခသည်တွေအတွက် ပြီးခဲ့တဲ့မေလက လှူဒါန်းတဲ့ ငွေကျပ် သိန်းတစ်ရာကို
အလှူငွေလက်ခံထားတဲ့ မြို့နယ်အုပ်ချုပ်ရေးအဖွဲ့က ဒုက္ခသည်တွေအတွက်
အပြည့်အ၀မသုံးစွဲ ဘူးဆိုတဲ့ ဝေဖန်မှုတွေလည်း ရှိနေပါတယ်။
TNLAနဲ့ RCSS/SSA တပ်တွေဟာ သီပေါမြို့နယ်
မန်လွယ်ကျေးရွာမှာ ဒီနေ့မနက်က တိုက်ပွဲဖြစ်ပွား နေတယ်လို့ TNLA
သတင်းနဲ့ပြန်ကြားရေးက သတင်းထုတ်ပြန်ထားပါတယ်။
ရတနာရွှေဂူ ဘုန်းတော်ကြီးကျောင်းမှာ
ရောက်ရှိနေတဲ့ ဒုက္ခသည်တွေကို အကူအညီပေးနေတဲ့ ပြည်သူ့လွှတ်တော် ကိုယ်စားလှယ်
ဒေါ်နန်းမိုး ကို RFA သတင်းထောက် မဇင်မာဝင်း က
ဆက်သွယ်မေးမြန်းထားတာကိုလည်း နားဆင်နိုင်ပါတယ်။
