ပလောင်ဒေသတွင် သစ်တောပြုန်တီးမှု ပိုမိုများပြာနေ

သတင်း
တောင်ယာခုတ်ထွင် မီးရှို့မှုများကြောင့် ရှမ်းပြည်မြောက်ပိုင်းတွင် သစ်တောပြုန်းတီးမှုများလာရှမ်းပြည်နယ်မြောက်ပိုင်းဒေသ တစ်လျှောက်တွင် သစ်တောပြုန်းတီးမှုနှုန်းမှာ အလွန်မြင့်တက်လာလျက် ရှိကြောင်း သဘာဝပတ်ဝန်းကျင် ထိန်းသိမ်းရေး သမားအချို့နှင့် ဒေသခံများ၏ ပြောပြချက်များအရ သိရှိ ရပါသည်။ ဒေသခံ များ၏ အဆိုအရ လွန်ခဲ့သည့် ဆယ်နှစ်ကျော် ကာလအတွင်း တရားမဝင် သစ်ခုတ် ယူမှုများရှိခဲ့သော်လည်း ယခုအချိန်အခါတွင် တောင်ယာလုပ်ငန်းအတွက် သစ်တောများ ခုတ်ထွင်ကာ မီးရှို့ ကြသဖြင့် သစ်ပင်ကြီးကြီး မရှိတော့ဘဲ တောင်ကတုံးများသာ မြင်တွေနိုင်တော့ကြောင်း ကွတ်ခိုင် ခရိုင်၊ မန်မိန်းကျေးရွာမှ ဒေသခံများက ပြောပြသည်။ ယင်းဒေသတစ်လျှောက်တွင် လောင်စာအဖြစ် ထင်းကို အလွန်အမင်း အသုံးပြုကြခြင်းကလည်း သစ်တောပြုန်းတီးမှုကို ဖြစ်ပေါ်စေလျက်ရှိသည်။ တောင်ယာလုပ်မယ်ဆို ပထမဆုံး တောင်စောင်းတစ်လျှောက် သစ်ပင်တွေ ခုတ်ပြီး အငုတ်ပါမကျန် မီးရှို့ ပစ်ရတယ်။ ဒါကြောင့် ဒီမြောက်ပိုင်းဘက်မှာ တောင်ကတုံးတွေပဲ မြင်ရတော့မယ်။ အခုနောက်ပိုင်း မြေဆီလွှာ မကောင်းတော့ တောင်ယာကလည်း ခဏခဏ ပြောင်းလုပ်ကြရတယ်။ ဒါ့ကြောင် သစ်ပင်ဆို တာကြီးဖို့ အချိန်မရှိတောဘူး။ အရင်တုန်းကတော့ တောင်ယာတစ်ခုခုတ်ထားပြီးရင် ဆယ်နှစ်လောက် စိုက်လို့ရတယ်။ အခုက အခြေအနေပြောင်းသွားပြီ။ ရာသီဥတုတွေကလည်း မမှန် တော့ဘူးဟု ကွတ်ခိုင်မြို့နှင့် မလှမ်းမကမ်းရှိ ပလောင်ရွာမှ ဒေသခံများက ပြောသည်။ ယင်းဒေသတစ်လျှောက် သစ်တောပြုန်းတီးရသည့် အကြောင်းအရင်းတွင် အစားထိုး ပြန်လည် စိုက်ပျိုးမှု မရှိခြင်းကလည်း အချက်တစ်ချက်အဖြစ် ပါဝင်နေကြောင်း သဘာဝပတ်ဝန်းကျင် ထိန်းသိမ်းရေးပညာရှင် အချို့က ဆိုသည်။ အခုနောက်ပိုင်းတော့ နေရာဒေသအချို့မှာ ဒေသခံတွေ ကိုယ်တိုင်သစ်ပင်မခုတ်ရ ကန့်သတ်နေရာလေးတွေထားပြီး Community forest ပုံစံမျိုး ပြုလုပ်လာနေကြတယ်ဟု ဒေသခံ သဘာဝပတ်ဝန်းကျင် ထိန်းသိမ်းရေးသမား တစ်ဦးကပြောသည်။ သစ်တောပြုန်းတီးမှုကို ကာကွယ်ရန် နည်းလမ်းအချို့တွင် တောင်ယာစိုက်ပျိုးခြင်းအစား အခြားအစားထိုးနည်းလမ်းများ အသုံးပြုခြင်း၊ ထင်းအစားလောင်စာများ အသုံးပြုစေခြင်း၊ သစ်တောများ ပြန်လည်ထူထောင် စိုက်ပျိုးခြင်းနှင့် ဒေသခံများအား အသိပညာပေးခြင်းများ လုပ်ဆောင်ပေးနိုင်ကြောင်း ဝါရင့်သဘာဝပတ်ဝန်းကျင် ထိန်းသိမ်းရေး ပညာရှင်တစ်ဦးက အကြံပြုပြောကြားသည်။